原创沈嘉禄海上梦叠
作者：沈嘉禄
沪语改写：边秦翌
沪语讲述：孙维陵
推荐指导：丁迪蒙
编辑：王乙其
橘花谢幕了，花格更高个梅、桂、茉莉粉墨登场。至此，茶搭花再殊途同归，深度融合，成为形影相随个灵魂伴侣。
有一趟听程裕新茶庄个老板讲窨茶工艺，勿同个花取勿同窨法，还要借别个花来打底，工序浪有箱窨、围窨、堆窨咾啥，听得我头昏。据讲上好个花茶要窨廿几遍，方能香魂附体。勒钱椿年编、顾元庆辑个《茶谱》里记载：“木樨、茉莉、玫瑰、蔷薇、兰蕙、橘花、栀子、木香、梅花，皆可作茶。
诸花开时，摘其半含半放之香气全者，量茶叶多少，摘花为茶。花多则忒香，而脱茶韵；花少则勿香，而不尽美。三停茶叶，一停花始称。”花茶个生产基地勒南方，最早集中勒福州，苏州后来居上，贡献最大。大概自宋以后，苏州虎丘形成了种花为生个新业态。
清代个徐珂勒《康居笔记》里写道，宣统年间伊游览虎丘，碰到一位名叫朱经葆个花农，自称是宋代大官个后代，伊勿相信，回到屋里之后查阅乾隆年间个《虎丘志》，发现真有记载，相传“宋朱勔以花石纲误国，子孙屏斥不与民之列，因业种花，今其遗风也。”
沈建东勒《知味苏州》一书中写道：“茶花是窨制花茶个原料，大约清雍正年间开始，虎丘一带成为了我国著名个四大香花产区之一，‘虎丘茶花’为苏州一大特产。茶商与花农间有着深切个不懈情愫。虎丘山南数里外，有一个名为‘茶花’个村子，村民皆以种花为业，‘四面青山耕织少，一年衣食在花开’。苏州虎丘周围曾经拥有四座花神庙，可以从兹窥见茶花之盛。”
沈建东还特为写到了清末时期虎丘山塘街运输搭制作花茶个情景：“位于山塘河南岸间花茶行栈多达五十余户，每年五月至十月窨制花茶旺季，勒采摘制作个旺季，各茶庄纷纷招来临时拣茶女工，通过运河来到山塘河上，各路茶商云集两岸，车船常庄拥塞。”
年秋天范烟桥发表勒新闻报浪个文章《花市沧桑》，是游览虎丘个见闻，“虎丘个南西北三面相距十里之内，约有花农四千余户，中间专恃艺花为生者，有仅以之为副业者，大概直接赖以生活之男女老幼须达十万人。……花之最大销场为茶叶铺，茉莉、玳玳、珠兰侪用以窨茶，惟珠兰最难种，且老树不易生花，新树须从福建一带运来，近年交通阻梗，几乎绝迹不至。
于是改用白兰花，本来白兰花只用于女子个插戴，今乃成为饮品之辅助，夺珠兰之席，也可以讲是战后个一种新发展。”讲到饮用体验，则一言而蔽之：“玳玳、玫瑰加勒茶叶里吃起来，芳留齿颊，并且勒色调浪也邪气美化。”
到了年，春风杨柳，山河新妆，范烟桥勒《人民文学》发表了一篇勿算长个游记《花之社》，笔调清新且乐观多了：“迭只大园地勒勒虎丘山下，是长青人民公社个茶花大队搭香花大队个生产区域，花农们世代相传，勒此地种珠兰、茉莉、玳玳、玫瑰搭仔白兰花，用来窨茶叶，成为花茶。”
“郑板桥描写扬州个风俗，有诗云‘十里栽花算种田’，现在可以移咏苏州个‘花之社’了。”上海个茶叶店也一直有茉莉花茶、珠兰花茶搭仔玳玳花茶供应，我小辰光看到八仙桥、太平桥、东新桥个茶叶店拿四五种勿怕见光个花茶摆勒圆桶形个玻璃瓶里，再摆勒柜台醒目个位置，像煞是成了招徕顾客或者表示店铺资质个广告。
但实际浪本埠人士屋里向备花茶个并勿多，坊间有一种讲法，品质差个茶叶再会得拿去窨制花茶。所以茶馆里作兴备眼勒海，最大个目标客户群倒是勒勒北方。《道咸以来朝野杂记》里讲：“北京饮茶最重香片，皆南茶之重加茉莉花熏制者”。老北京至今照样最欢喜茉莉花茶，雅客造访，搿是最高个礼节。必过现在像老树普洱、金骏眉、大红袍、凤凰单枞咾啥，只要价钿贵，就有人追勒海要吃。
近抢把上海有些餐馆用茉莉花熏蒸兰州百合，我品尝过两趟，并呒没觉着百合能够有效吸附茉莉芬芳，只必过用玻璃蒸锅当堂操作，增加了沉浸感而已。甚至有饭店用上好个茉莉花茶去蒸大闸蟹，花魂惊叫着散去，大闸蟹羞愧得面孔也红了。倘若犹存怜香惜玉之心，还是安安静静个吃一盏茉莉花茶算了。入秋之后收到朋友快递来个一罐碧螺花茶，我平常辰光对碧螺春勿大看重，今朝居然想借用茉莉花迭只花仙子来提升自家个身价？
泡了一杯试试看，感觉还算勿错，叶芽慢慢叫下沉，花蕾悠悠叫上浮，茶香搭花香个交织，使得舌尖浪个回味更加悠长。茶好，花再好，道理就是搿恁个简单。我还想，东山个茶农搭虎丘个花农强强联合，应该是历史个必然。但是朋友勒
联系电话：